RC avslutning i Mosjøen og Vestlandsmeisterskap i Stryn

I tillegg til Tommy sine bravadar i NorgesCupen på Voss (sjå førre artikkel) har vi hatt deltakarar med også på RekrutteringsCupen i Mosjøen og på Vestlandsmeisterskapet i Bjørkelibakkane i Stryn denne helga.

Vestlandsmeisterskapet i Bjørkelibakkane var samstundes KM for Sogn og Fjordane, og våre hopparar oppnådde gode resultat i dette rennet:

• Petter L. Skodjereite nr. 1 i Gutar 12 år, K40, med hopp på 34,5 og 37,5 meter.Petter tok også førsteplassen i kombinert i denne klassa.
• Marius H. Helgesen nr. 1 i Gutar 11 år, K25, med hopp på 21,5 og 22,5 meter. Her var det med hopparar både frå MOI, Veten IL og Jølster IL. Kjekt å sjå at Marius byrjar å kome tilbake i "god gammal form" etter beinbrotet.
• Nicolas H. Helgesen hoppa i Gutar 9 år, i K10. I denne årsklassa er det ikkje rangering, men vi kan vel røpe at Nicolas hoppa desidert lengst av deltakarane i denne bakken, med 13,5 meter i 1. omgang og 13 meter i 2. omgang.

På RC Hopptreff i Mosjøen var det avslutning for C- og D-klassane, og Jarl Anders Hjelle og Rishi Vellupillai var med her.
Det vart tid til nokre treningshopp på fredag, men laurdag var det så dårleg ver med snøbyger at det vart beslutta å gå rett på 1. omgang så snart tilhøva låg til rette for å kunne hoppe. Både Jarl Anders og Rishi deltok i C-klassa, i K70, der det var med 27 deltakarar.

• Rishi hadde eit førstehopp på 69 meter. I andre omgang smelte han til med dagens lengste hopp i bakken, 74,5 meter, men måtte diverre overende og mista ein god del poeng på det. Han hamna på 12. plass, utan fall hadde han nok sikra seg 2. plass. Sjå bilder frå Rishi sitt hopp på 74,5 meter HER (bilde nr. 53-54-55)
• Jarl Anders hadde eit førstehopp på 61,5 meter. Også han hadde betre treff i 2. omgang, og landa på 68 meter. Med dette enda han på 15. plass i rennet, noko han kan seie seg svært godt nøgd med i sitt første renn i denne klassa.

Bilde: Jarl Anders på veg ned mot 68 meter i K70 i Mosjøen.

Skriv ut