Stordal IL
Løypekøyring i påska
 - 21.03.2016

PÅSKA kjem tidleg i år, og vi har bra med snø i skiløypene våre. Vi køyrer kvar dag slik det er oppsett under løypekøyring (i menyen til venstre).

Men på Elvabyte har elva komt opp på snøen/isen slik at maskina ikkje kan køyre over og dermed vert det førebels ikkje køyrt inn til Storvatnet. Vi prøver om vatnet går tilbake.

Alle dei andre løypene vil vi køyre spor på, men mykje regn kan stoppe oss, og derfor håpar vi på kaldare ver og sol i heile påska!


Løypekøyring
 - 09.02.2016

No er det etterkvart kome såpass mykje snø at vi får køyrt dei vanlege løypene. Kommuna fekk sist veke planert ferdig resten av den nye turvegen frå starten nedom parkeringsplassen på lysløypa til HauPe-brua slik at det no er samanhengande skispor nedover til Seljebotnbrua og vidare til Seljebotnløypa bortom elva.

Lyset er på kvar kveld i lysløypa, og når det er snøfall vil vi kvar dag legge nye skispor i lysløypa.


Klare for ny sesong
 - 29.11.2015

Den første snøen kom sist helg, men det er for lite til å køyre på skispor.
Vi er klare når det kjem meir snø, med dei same 3 sjåførane som sist vinter og med løypemaskin som i haust har fått service av leverandøren Antra AS.

Det har vorte planert og rydda litt i dei ymse traseane, og i Seljebotnløypa og på Pusken la vi i tillegg rør på fleire våte punkt. Same løypene som før, men det vert komande vinter ei ny skiløype på den nye turvegen frå Almås til Overøye som ligg på den kommunale leidningstraseen.

Stordal kommune har planert/grusa ferdig frå Almås til litt forbi HauPe-brua, men mot Overøye må det planerast meir slik at vi kjem fram med løypemaskina, og det har kommuna lovt å få utført snarast.

Det vert lagt skispor tirsdager, fredager og laurdager/søndager ved behov.
Først i sesongen Seljebotnløypa, lysløypa og stølane, men med fint ver/nok snø etterkvart innover til Jolbotn, Storvatnet og Lillevatnet. Men vert det fonnfare stoppar vi. Sjå på skisporet.no når og kvar vi har køyrt.


Ny samarbeidsavtale
John Kristian Hjelle  - 13.02.2015

Ein ny samarbeidsavtale mellom Øvre Stordal Vel og Stordal Idrettslag/Fjellservice vart vedtatt 31.01.2015.


VÅRE SPONSORAR


Grasrotandelen
Tafjord

Busengdal Transport

Fjords