Særs vellukka klubbsamling!

Klubbsamlinga på Bjorli denne helga, vart særs vellukka. Det var topp fohold og løparane fekk verkeleg stort utbytte, der Erik Skaslien hadde ansvaret for det sportslege opplegget.

I tillegg til gode øktene i bakken, vart det også gjennomført ei teoriøkt på laurdagen. Der vart detaljar trekt fram og vidare fekk ein sjå video-opptak av m.a. Vegard og Erika frå tidlegare i veka. Deltakarane fekk også sjå seg sjølve i aksjon og då med fokus på kva dei kunne gjere for å nærme seg den gode køyringa som våre FIS-løparar står for om dagen. Både Vegard og Erika var også med på samlinga, noko som sjølvsagt var ekstra inspirerande. I tillegg var Simen Christensen med. Han er rangert som den beste i verda i si årsklasse! Ganske så inspirerande det også sjølvsagt..

Vi kjem nok attende med meir frå den flotte samlinga. Vi har lagt ut bilder av løparane i aksjon på laurdagen og håper også å kome attende med bilder frå søndagen, etterkvart. Sjå bildegalleriet vårt. (menyval til venstre)

Skriv ut