19 løparar frå Stordal Alpin er med når skikretsen inviterer til fartssamling frå fredag til søndag. Fredag og laurdag vert det trening i ulike trasèar på Bjorli med inndeling etter alder. Søndag er det så klart for 2 Super-G renn som samstundes er kvalik til Hovedlandsrennet og Landsfinalen. Vermeldingane ser lovande ut og forholda i bakkane på Bjorli veit vi er veldig fine. Totalt vert vi omlag 30 personer som denne gongen skal bu på "Kråkeslottet". Vi ønsker alle lykke til med både samlinga og renna på søndag!
Meir info om samlinga her , og bilder frå fjorårets samling her,

Norges skiforbund har tatt ut 8 løparar til ein 12 dagers renn-turnè i Frankrike. Stordal Alpin sin Vegard Busengdal er ein av dei 8, og laurdag set han kursen for Saint-Gervais der det første storslalåmrennet skal gå allereie på søndag. Klikk her for å sjå rennlista dei skal delta på. Vegard har prestert meget bra hittil i årets sesong, og vert no belønna av NSF med deltakelse i Frankrike. Vi kjem med meir info etterkvart som renna går av stabelen, men resultata frå søndagens SSL i Saint-Gervais finn du truleg her utpå kvelden. Stordal Alpin gratulerer atter ein gong med uttaket og ønsker Vegard lykke til i de franske alper!!

Husk påmeldingsfristen måndag kl.18 vedr fartssamlinga på Bjorli til helga (ref mail igår). TRENINGAR denne veka: Som oppsatt TIRSDAG SL og ONSDAG SSL. Treninga torsdag går ut pga reise/forberedelse til fartssamlinga for dei fleste.

Våre tre juniorer som har deltatt på Fartsuka 2012 på Hafjell denne veka - Ingrid, Erika og Vegard - har både overraska oss og imponert oss med sine mange topp-plasseringer. I dag var det Super-G og høyr berre på desse resultata : Erika nr 3, Ingrid nr 4 og Vegard nr 5 i herreklassa! Sjølv den sindige og jordnære trener Erik Skaslien måtte idag innrømme at prestasjonane til dei tre elevane hans har imponert også han. Erika som fredag køyrde 3.raskast av alle damer i utfor, og som idag igjen kaprer 3.plassen, Ingrid som har plukka med seg 3 av 3 mulege medaljer i det innlagte NM for Junior I, og i tillegg idag slo til med imponerande 4.plass uansett alder blant damene! Og så må vi ikkje gløyme Vegard som tidlegare i år har tatt 3 FIS-sigrar i slalåm. I dag presterer han ein 5.plass blant dei 100 startande herrane og då snakker vi om fart og Super-G! Og vi minner om prestasjonen hans fredag under kombien, då han hadde nest beste tid av alle i slalåmdelen. Imponerande! Vi gratulerer dei alle, inkludert trener Erik Skaslien med suksessen på Hafjell og takker dei for måten dei representerer og profilerer Stordal Alpin på. Vi er stolte av dokke!

Kristiane vann J14-15 år framfor Andrea Vinje Tøsse med Kine Kvammen Tøsse på 3.plass. Dermed vart det KM-medaljer til alle dei tre. Jørgen Larsen Stavseng tok ein flott 3.plass i G11 år. Utover dette var det fleire 4.plassar og gode resultat av resten av Stordalsgjengen, så vi ber folk sjå på resultatlistene for LANG LØYPE og for KORT LØYPE . Bilder frå søndagens slalåmrenn og frå laurdagens storslalåm på Molde er no lagt ut i bildegalleriet vårt Der kan du sjå nærmare på dei mange flotte løparane som vi har i klubben vår. Den store Stordalstroppen på over 40 personar - inkludert 25 løparar - fekk to fantastisk flotte dagar i sola på Tusten! Slik vil vi gjerne ha det resten av vinteren!