13 løparar frå Stordal Alpin deltek saman med over totalt 50 aktive frå heile skikretsen. Samlinga vert på Setnesmoen Leir frå fredag kl.18 til søndag ettermiddag.Her ligg det an til ei flott helg både treningsmessig og ikkje minst på det sosiale plan! For meir info og detaljert program sjekk Rauma Barmarksamling 2010

Mange deltok på Ironman-testen på stadion/hallen. Veldig varmt denne kvelden og med litt blanda resultat. No er det viktig at vi står på skikkeleg med barmarkstreninga framover! Husk det er ny test i midten av september... Lykke til med treninga!

25 utøvarar, inkludert dei fleste av våre FIS-løparar, var på plass då Erik Skaslien køyrde ei god barmarksøkt i dag. Erik køyrde øvingar med fokus på koordinasjon, reaksjon/hurtigheit, balanse og rytme. Fleire av øvingane stilte også krav til tankeverksemda og på den måten fekk han fram kor viktig det er at ein har hovudet med seg i løypa, utan at det går utover teknikken.

Dei siste dagane har det vore god aktivitet i området ved småbåthamna, der alpinistane våre har fått prøve ut ferdigheitene sine i kajakk-padling.

Erik Skaslien er på plass som trenar. Synniva, Erika, Vegard og Jørgen (ny) på plass som utøvarar. Medan forholda til ski på Juvassbreen ikkje er til stades, har dei fokus på barmarksdelen. Derfor samlast dei til ei kort samling på Stranda no like før skulestart.